गीत सांत्वनाचे.....

मी गाईन गीत, माझे आसवांचे;
रुजवीन सूर त्यात, माझ्या वेदनांचे.....

तू जग तुझे जीवन, तुझ्या मनासारखे;
मी आवरेन वादळ, माझ्या ह्रदयीच्या भावनांचे.....

तुझी साथ लाभण्याचे, भाग्यच नाही माझे;
काटे माझे सोबती, तुझे रस्ते फुलांचे.....

समजेन असे की, मी नव्हतोच तुझ्या लायकीचा;
माझं ह्रदय एक फुटकळ मोती, तुझे नशीब तारकांचे.....

मरेन मी आता, तुझ्या आठवणींमध्ये झुरत;
संपवू शकतील न ज्वाळा, माझे गीत सांत्वनाचे.....